| 近排睇番個XG,,原來我對上一次打XG既日子係09年既月28號,,
原來我都已經成年冇打過XG,,之前就話轉左過去YAHOO BLOG,,
但係亦都將佢荒廢埋－－睇黎我唔係好適合打XG啦@@
新既一年又黎喇,,唔經唔覺今日原來已經係2010年2月4號喇!!
好快我地都要去面對會考既大挑戰,,咁就係去面對會考之前,,
我就先打番一d我覺得比較有紀念價值既野啦~~ 2009-05-06
陪伴左我16年既爺爺,,因為患病而去世,,
個一晚因為我牙爸牙媽就去左醫院睇爺爺,,細佬又去左婆婆度,,
所以就得番我一個人係屋企,,
我記得個一晚我唔知點解個心好唔舒服,,好唔開心,,
唔知呢d係咪叫做預感啦,,我第二日起身,,我就見到爸爸媽媽將神枱用紅紙封住左,,
我都開始估到D事,,跟住我問番佢地,,佢地都話爺爺已經走左喇!!
封住個神枱就係因為神枱上面有神明係度,,爺爺會番唔到屋企,,所以要封住佢,,
爺爺既去世,,我真係好唔捨得,,好唔開心,,
爺爺由細睇到我大,,佢好鍾意講番之前d野架,,
好似我讀文科咁,,如果有關於日軍個d野,,我都會聽下佢講故仔咁@@,,
但係我已經再冇機會聽到呢d故仔,,
我只可以將呢d故仔放係心入面,,記住爺爺你同我講過既野,,你點樣關心我既野,,
爺爺對我黎講,,係我既親人,,我既明燈,,我既依靠,,
雖然並唔算係我既所有,,但係爺爺對我做過既,,我都永世難忘,,
對爺爺既話,,更係盡在不言中~~~~ 2009-05-16
今日一早就起身搭去出去準備去瑪麗醫院度接番牙爺番長洲""
係碼頭等齊人上左旅遊巴,,去到瑪麗喇終於,,
之後搞掂晒著孝服,,儀式個d,,個d工作人員就推左牙爺出黎,,
我第一眼見到牙爺個樣,,我係好驚,,因為牙爺個樣唔同左,,
同埋佢因為雪完之後,,縮晒水,,唔同晒,,但係我都依依不舒咁望多牙爺兩眼,,
因為望完呢一眼之後,,我以後都唔可以再望到佢喇@@""
之後就番去碼頭搭船喇,,去到碼頭因為隻船未到,,所以我地都企晒係到食野個d""
等多陣之後,,我地就搭船喇,,係船度訓左陣@@""
跟住番到去就去食飯啦,,但係每當我地食飯之前,,都要夾左d擺係牙爺靈前先,,""
咁我就夾左d放過去,,仲大聲嗌牙爺,,""牙爺,,食飯喇!!""
之後我都食左d野就唔食喇,,因為都唔肚餓,,""
5點左右就開始做法事喇,,夜晚黎拜牙爺既人有好多,,我見到好多人都忍唔住喊@@
(唔係我見到好多人我係度喊丫,,係我睇住好多人係度喊丫下@@)
法事做到夜晚既11點幾,,我地就開始燒野,,個個周哥勁搞笑,,
因為我地特登訂做左個馬場俾牙爺丫嘛,,跟住周哥話,,我做左咁耐,,都係第一次見呢個馬場架咋,,""
哈哈,,個馬場先搞笑丫,,個馬場入面有曾蔭權,,李澤楷等等坐係VIP房度,,@@""
之後我地就去食宵夜喇@@""
食完宵夜我同媽咪就番左屋企沖涼之後再落番牙爺個屋企啦,,""
牙爺今晚3點-5點鐘回魂,,其實當我係朝頭早見到牙爺個個樣之後我好驚架,,
但係知道牙爺回魂,,又好想見到牙爺喎,,但係又好驚喎,,
咁大約3點左右,,我同yuni同瑤瑤豬係間房度訓教啦,,
我成晚冇訓過,,一有少少聲我就即刻醒,,因為我以為牙爺番左黎,,""
但係又唔敢令轉頭喎,,@@""
直至5點到聽到牙媽牙爸個d番到黎,,我就彈左起身,,跟住我望出外面,,
見到有個人行緊,,背影其實有d似牙爺架,,我冇眼花丫,,因為我已經帶左眼鏡黎睇架喇""但唔肯定係咪真係牙爺囉@@""
2009-05-17
由於我成晚冇訓啦,,所以我6點幾就出左去搵牙媽個d飲茶,,但係唔係咁想食野bor""
跟住等到9點幾10點d人都黎到送牙爺既最後一程,,儀式都隨即開始喇,,""
之後就送牙爺上山喇,,去到火葬場,,我個心就越黎越酸,,好唔捨得@@""
俾左d花牙爺,,同牙爺敬完酒,,跟住就要等爸爸同牙伯禁掣送走牙爺,,""
當我大聲叫""牙爺,,上路喇,,""我聲都沙晒喇,,不過都係冇喊到@@""
之後就番到屋企沖涼換紅3,,做英雄@@""
做完英雄就去左金冠食飯,,有7圍咁多－－""
我請晒全場食個d同$1買既糖@@""
之後食完飯就番番去牙爺屋企度lu,,我地係度數帛金,,""
搞錯丫,,數左4次都有喇,,都係計錯數－－""
番到屋企就攰到一訓低就訓著左@@""
|
